Ka nisur një epokë e re për Manchester United, të paktën në kupolën drejtuese, me miliarderin Sir Jim Ratcliffe që pasi bleu 25% të aksioneve të klubit, ka zbritur vetë në fushë duke u takuar me stafin drejtues, trajnerin dhe futbollistët.
Ai mbajti një fjalim frymëzues në lidhje me planet e tij për të ringjallur Manchester United. Dhe miliarderi britanik ka lënë një përshtypje të madhe falë vlerësimit të tij të hapur për rënien e klubit pas Sir Alex Ferguson.
Ratcliffe, 71 vjeç, vlerësoi suksesin komercial të klubit dhe qëndrueshmërinë e treguar gjatë pandemisë, por tha se ai investoi në klub për të fituar trofe, jo për të fituar para nga aksionet e tij prej 1.3 miliardë stërlinash.
Për të përmbushur qëllimet e tij, Ratcliffe dëshiron të ndërtojë një mjedis elitar në klub, mbi të gjitha për t’u rikthyer konkurrues në Premier League dhe Champions. Numri një i klubit ka premtuar investime të mëtejshme, duke përfshirë 300 milionë paund që do të shpenzohen për përmirësimin e Old Trafford dhe qendrës stërvitore në Carrington.
Shtrëngimi i duarve me Ten Hag nënkupton se për momentin trajneri holandez ka besimin e tij, por nëse Djajtë e Kuq nuk arrijnë të futen mes katër skuadrave të para, me siguri në verë do të vijë revolucioni.
()
and then