Është përcjellë për në banesën e fundit trupi i pajetë i Leonard Farrukut, 27-vjeçari shqiptar që u gjet i vdekur në Britaninë e madhe ndërsa priste shqyrtimin e kërkesës së tij për azil.
Ceremonia e vogël e varrimit u bë sot në periferi të Tiranës, ndërkohë i riu besohet se u vetëvra më 12 dhjetor, ndërsa gjendej në strukturën akomodimi e ashtuquajtur “Anija Burg”, në pritje të shqyrtimit të kërkesës për azil.
Të afërmit e azilantit të pajetë hedhin dyshime sa i takon shkakut të vdekjes. Tezja e Leonard Farrukut tha për Agjencinë Reuters, se nipi i saj ishte trajtuar keq në anijen burg. Riatdhesimi i trupit u bë pasi motra e të ndjerit bëri thirrje në rrjetet sociale për mbledhje fondesh dhe mundi të sigurojë 10 mijë paund.
and then