Ky është një sezon ndryshe për Asllanin. Paraqitjet fantastike me ekipin përfaqësues patën një ndikim të madh edhe tek Inter, pasi mesfushori fitoi më shumë besim, rrjedhimisht edhe trajneri Inzaghi i besoi më shumë minuta. Sigurisht vetëm kaq nuk mjafton, drejtuesit e klubit zikaltër presin më shumë nga mesfushori shqiptar, gjithashtu edhe vetë Asllani pret më shumë nga klubi.
![Kristjan Asllani](https://www.balkanweb.com/wp-content/uploads/2023/11/kristjan-Asllani-2.jpg)
Ndaj Monza-s, Asllani u aktivizua në minutën e 62-të duke marrë vendin e Calhanoglu, ndërsa në sfidën e radhës në Serie A, atë kundër Fiorentinës, pritet ta nis nga minuta e parë.
![Inzaghi Asllani](https://www.balkanweb.com/wp-content/uploads/2023/10/INZAGHI-ASLLANI.jpg)
Regjisori turk ka plotësuar numrin e kartonëve, nuk do të jetë në fushë, ndërsa sipas mediave italiane vendin e tij do ta marrë Asllani. Kjo është një tjetër provë e fortë për Asllanin për të vërtetuar se është gati për të marrë çelësat e mesfushës.
()