Në orët e fundit Aurelio De Laurentiis kishte folur mjaft qartë për mungesën e Piotr Zielinskit në listën e Napolit në Champions League. “Kam lexuar se dikush mendon që e kemi marrë inat Zielinskin: Absolutisht jo. Unë tashmë e kam thënë: ai është një person i shkëlqyer. Ai është një djalë shumë i mirë dhe një lojtar i nivelit të lartë, por zgjedhjet janë bërë, duke qenë se ai largohet dhe nga 1 korriku nuk do të jetë më me ne” – Tha Presidenti i kampionëve të Italisë.
Në edicionin e sotëm, Corriere dello Sport shkon më tej dhe flet qartë për një njoftim zyrtar. Gazeta e njohur guxon të shkruajë: Sot ose maksimumi nesër, Zielinski do të nënshkruajë kontratën që do ta lidhë me zikaltërit deri në vitin 2028. Në Milano, mesfushori polak do të fitojë 4.5 milionë euro neto në vit plus bonuse.Në të kaluarën, 29-vjeçari ka luajtur te Udinese dhe te Empoli.
(J.S/)
and then