Markat si Samsung, Motorola, OnePlus dhe Google janë futur në pajisjet e palosshme, ndërsa Apple deri tani ka qëndruar larg lëshimit të një iPhone të palosshëm, por kjo mund të ndryshojë në të ardhmen.
Sipas një raporti nga The Information, Apple aktualisht është duke ndërtuar prototipa për dy iPhone të palosshëm në stilin e guaskës, që do të thotë smartphone do të ishte i ngjashëm në dizajn me Galaxy Z Flip të Samsung-ut dhe do të ketë aftësinë për të qëndruar në këmbë dhe për të bërë fotografi në një kënd 90 gradë kur shpaloset.
Raporti thotë se Tim Cook iu drejtua inxhinierëve të Apple për të bërë një pajisje të palosshme që në vitin 2018, dy vjet para lançimit të Galaxy Z Flip të Samsung-ut. Por puna për një iPhone të palosshëm u ndërpre në vitin 2020, për t’u rifilluar së fundmi. Apple thuhet se po përpiqet të integrojë shumë karakteristika të veçanta për pajisjet e reja të palosshme.
Raporti paralajmëron gjithashtu se një iPhone i palosshëm nuk do të mund të jetë i disponueshëm së shpejti duke qenë se pajisja nuk është në prodhimin masiv të Apple për vitet 2024 ose 2025.
and then