Interi konfirmoi edhe në Romë se është mjeshtri absolut i kampionatit me një shfaqje force që rrezikon të thyejë edhe moralin e kundërshtarëve. Gjashtëdhjetë pikë në 23 ndeshje, 55 gola të shënuar me 14 lojtarë të ndryshën dhe vetëm 12 të pësuar.
Shifra që dëshmojnë për një supremaci. Nëse golashënuesi Lautaro mbetet bosh, duke ndjerë lodhje të kuptueshme, zikaltrit gjejnë gola edhe nga mbrojtësit. Ndeshjen në Olimpico e hapi Acerbi dhe e mbylli Bastoni, i cili iu rikthye golit pas 762 ditësh.
Kështu, 9 gola kanë ardhur nga mbrojtja këtë sezon dhe ndërkohë mbrojtja ka pësuar vetëm 12 gola. Është vetëm hera e tretë që Sommer detyrohet të pësojë dy gola në të njëjtën ndeshje, por këtë herë, krahasuar me Sassuolo (vetëm kjo humbje në kampionat) dhe Bologna (barazim), tri pikët janë themelore për Scudetton.
“Një telefonatë të zgjat jetën” thoshte një reklamë e vjetër e vitit 1993 nga një kompani e njohur telefonike. Dhe të bën të fitosh edhe ndeshje, mund të shtojmë 31 vite më vonë, duke qenë se pika e kthesës erdhi edhe falë telefonatës së Inzaghit në pjesën e parë.
I detyruar ta shikonte ndeshjen nga tribuna për shkak të dënimit që mori ndaj Juventusit, trajneri i zikaltërve bëri njëtelefonatë pas një pjese të parë në të cilën Inter dukej se ishte në vështirësi të dukshme, ndonjëherë i pushtuar nga ritmi i madh i Romës.
Në këto raste telefonata është normë, nuk ka asgjë të çuditshme, por ishte përmbajtja që zgjoi Lautaron dhe shokët e tij nga torturimi dhe me një fillim dërrmues në pjesën e dytë, ata kthyen ndeshjen.
Siç raporton ‘La Gazzetta dello Sport’, trajneri e ka identifikuar problemin në pozicionin e të pestëve (Darmian dhe Dimarco) që patën efektin e dëshiruar. Kështu, sapo të dy u ngritën, inercia ndryshoi, Interi gjeti ritmin dhe epërsia numerike në krahët u bë shkatërruese.
()
and then