Liderët e Ballkanit Perëndimor në Tiranë më 28 dhe 29 shkurt, zbardhen çështjet që do të trajtohen

Më 28 dhe 29 shkurt në Tiranë do të zhvillohet një takim mes liderëve të Ballkanit Perëndimor

Lajmi është bërë i ditur nga Ministria e Integrimit të Kosovës në një postim në rrjetet sociale, ku bëhet me dije se do të diskutohet në lidhje me objektivat për intensifikimin e përpjekjeve të vendeve të Ballkanit Perëndimor në rrugën drejt BE-së, krijimin e themeleve për hapat e ardhshëm në zbatimin e Planit të Rritjes dhe avancimit të bashkëpunimit dhe ndërveprimit me Komisionin Europian.

Ditën e djeshme është zhvilluar tryeza ministrore e përfaqësuesve nga Ballkani Perëndimor për fushën e integrimit evropian, ku edhe është njoftuar takimi që do mbahet në Tiranë.