EURO U-17 për vajza / Kombëtarja luan nesër ndaj Irlandës në “Air Albania”, hyrja falas për tifozët

Federata Shqiptare e Futbollit është gati për të mirëpritur turneun e parë Europian për këtë vit. Bëhet fjalë për organizimin e ndeshjeve të grupit B6 të vlefshme për raundin e dytë të kualifikueseve të Kampionatit Europian U-17 për vajza.

Në grupin B6 bëjnë pjesë Shqipëria, Irlanda dhe Izraeli dhe në total do të luhen tre takime në stadiumin “Air Albania”.

Skuadrat e Irlandës dhe Izraelit kanë mbërritur në vendin tonë dhe po përgatiten për ndeshjet e raundit të dytë të kualifikueseve të Kampionatit Europian U-17 për vajza.

Gjithashtu edhe Kombëtarja shqiptare e vajzave U-17 ka nisur nga puna për të bërë një paraqitje sa më dinjitoze. Trajneri Agustin Kola ka grumbulluar plot 20 futbolliste për këto sfida, me synimin e vetëm për të arritur vendin e parë në grup dhe për t’u ngjitur në Ligën A.

Sfida e parë në “Air Albania” do të jetë Shqipëri-Irlandë, në orën 14:00. Kjo ndeshje do të transmetohet live edhe në RTSH Sport.

Takimi i dytë i këtij grupi do të luhet më datë 23 shkurt në orën 11:30, mes Irlandës dhe Izraelit, teksa kjo sfidë do të transmetohet live në kanalin e FSHF-së në Youtube.

Sfida e fundit në “Air Albania” do të zhvillohet më datë 26 shkurt në orën 14:00, ku Shqipëria do të përballet me Izraelin.

Gjithashtu hyrja në stadium “Air Albania” për të parë këto ndeshje do të jetë falas.

 

Arena e Lajmit

EURO U-17 për vajza / Kombëtarja luan nesër ndaj Irlandës në “Air Albania”, hyrja falas për tifozët

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.

Welcome

Instalo aplikacionin tonë
×
Na ndiqni

Na ndiq në Facebook