SHKODËR – Policia në Shkodër ka finalizuar operacionin “Sundimi i ligjit”. Në pranga ka rënë një 17-vjeçar dhe u procedua penalisht në gjendje të lirë një 16-vjeçar, pasi u kapën me armë zjarri dhe kanabis sativa. Gjithashtu, u arrestua edhe një 37-vjeçar, që u kap duke vënë baste sportive të paligjshme në celular. Gazetari Senaq Nikshiqi raporton për “” se Policia në Shkodër vuri në pranga edhe 42-vjeçarin Ervis Baba, pasi ka kanosur një 57-vjeçar me armë, për hakmarrje.
Njoftimi i policisë:
DVP Shkodër
Vijon megaoperacioni policor i koduar “Sundimi i ligjit”, për goditjen e veprimtarive kriminale në çdo formë të shfaqjes së tyre.
📍Malësi e Madhe/Posedonin armë, lëndë narkotike dhe sende të tjera të kundërligjshme, arrestohet një 17-vjeçar dhe procedohet penalisht një 16-vjeçar.
Sekuestrohen 1 armë zjarri kallashnikov, 1 armë gjahu, municion luftarak, 1 maskë dhe një sasi lënde narkotike cannabis sativa.
📍Shkodër/Vinte baste sportive, me celular, në lokalin e tij, arrestohet në flagrancë 37-vjeçari dhe i sekuestrohet celulari.
Në zbatim të planit kombëtar të masave të koduar “Sundimi i ligjit”, për goditjen e veprimtarive kriminale, si dhe për garantimin e sigurisë dhe të drejtave të shtetasve, Policia e Shkodrës ka vijuar kontrollet, sigurimin e inteligjencës informative dhe bashkëpunimin me qytetarët. Në këtë kuadër:
-shërbimet e Komisariatit të Policisë Malësi e Madhe vunë në pranga një 17-vjeçar dhe referuan materialet në Prokurori, ku nisi procedimi në gjendje të lirë për një 16-vjeçar, pasi dyshohet se posedonin 1 armë zjarri kallashnikov, 1 armë gjahu, 23 fishekë luftarak, 1 maskë dhe një sasi të vogël lënde narkotike cannabis sativa, të cilat u gjetën dhe u sekuestruan nga shërbimet e Policisë. Arma e zjarrit dhe sendet e tjera do të dërgohen në Institutin e Policisë Shkencore, për ekspertizë të mëtejshme;-këto shërbime arrestuan dhe shtetasin Ervis Baba , 42 vjeç, banues në Shkodër, pasi dyshohet se ka kanosur për gjakmarrje, një 57-vjeçar që rreth 10 vjet më parë ka qenë i përfshirë në një aksident rrugor me pasojë vdekjen e vëllait të shtetasit E. B.;
-specialistët për Hetimin e Krimeve të Komisariatit të Policisë Shkodër arrestuan shtetasin Edër Ajdinolli, 37 vjeç, banues në Shkodër, pasi u kap në flagrancë, në lokalin e tij, në lagjen “Tre Heronjtë”, duke vënë baste sportive, me celular.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.()
and then