TIRANË – Diplomati i karrierës Agim Nesho dhe analisti Dritan Hila janë përfshirë në një debat me njëri-tjetrin për Kosovën. Nesho deklaroi se kryeministri Edi Rama, për sa kohë që ka qenë në pushtet ka ceduar sa i përket çështjeve kombëtare. Ai tha se është diskutuar mes tjerash edhe ndarja e kufijve, duke shtuar se ishte një projekt serbo-rus.
Ndërsa, analisti Hila deklaroi se më mirë do të ishte që Kosova të ishte ndarë, pasi sot nuk është shtet, por shportë. Për Hilën, më e mira do të ishte që Kosova të ndahej dhe më tej mund të shikohej mundësia e bashkimit me Shqipërinë.
Agim Nesho: Rama ka ceduar në çështjen kombëtare. Projekti i ndarjes së kufijve çfarë është? Ky është plan ruso-serb.
Dritan Hila: Kjo është teori konspirative. Janë bërë bisedime që nuk kanë përfundime. Ishte projekt që e bënë njerëz të afërt me Trump.
Agim Nesho: Nuk ka lidhje me presidentin Trump, ishte projekt ruso-serb.
Dritan Hila: Më mirë të ndaheshin kufijtë dhe Kosova do ishte shtet dhe nuk do ishte shportë. Kosova është shportë sot, e ke me targa serbe, hyn Serbia me dinarin për qejf të vet, nëse do ishte bërë ai projekt, ndoshta do kishte mbaruar gjithë ky kalvar. Do kishte marrë zgjidhje kjo punë.
()