Pak ditë pasi nga shtëpia e Big Brother VIP doli Sara Gjordeni, për shkak të një konflikti me banoren tjetër Françeska, edhe Bardhi Idrizi ka marrë vendimin drastik duke ndërprerë rrugëtimin e tij.
Shkak i largimit nga shtëpia ka qenë gjendja e rënduar shëndetësore e nënës së tij.
Ka qenë moderatori Ledion Liço ai i cili i ka komunikuar Bardhit për një problem familjarë.
Më pas Petriti, vëllai i artistit, hyri brenda në shtëpi, ku i tregoi se gjendja shëndetësore e nënës së tyre nuk është e mirë.
Ajo vuante prej kohësh nga tensioni, por sipas Petritit, gjendja e saj është rënduar dhe se aktualisht ndodhet në spital, por në gjendje të stabilizuar momentalisht.
E gjithë kjo situatë bëri që Bardhi të largohet nga shtëpia i panikosur, për të shkuar sa më shpejt pranë nënës së tij.
Pavarësisht kësaj situate të vështirë, një deklaratë e papritur ka ardhur nga Sara, që përfshiu edhe palë të treta.
“Unë tani duhet të jem shumë e kujdesshme me fjalët… Nëse çështja është ashtu si mendoj unë, unë nuk do të hesht. Kam rezervat e mija ndaj palëve të treta që nuk janë familjarë të Bardhit”, deklaroi ish-banorja nga studioja e Big Brother VIP.
Opinionistët vijuan në tej se Sara me këtë deklaratë la të nënkuptohej se sëmundja e nënës është një gjë e stisur për shkak të situatave me të, gjë për të cilën shtuan se nuk duan që të jetë e vërtetë.
and then