Pak ditë pas arrestimit të një efektivi policie dhe tre personave të tjerë teksa transportonin kokainë, në vijim të hetimeve, policia ka zbuluar edhe një Call Center, e cila rezultonte në pronësi të shtetasit Shkëlqim Osteni dhe të shpallurit në kërkim, me iniciale M.H. Agjencia e Mbikëqyrjes Policore thekson se nëpërmjet kësaj call centeri, mashtroheshin qytetarë italianë për investime në bursë duke përfituar vlera monetare nga 500 deri në 30.000 euro.
Pak ditë më parë, gjatë një operacioni antidrogë ku u sekuestrua rreth 1 kg kokainë, policia arrestoi efektivin e operacionales Ervis Shkurta, kreun e shoqatës së Transportit Ndërqytetas, Enea Sulejmani si dhe shtetasit Ilgi Begaj dhe Shkëlqim Osteni. Gjatë operacioni antidrogë, ata tentuan të përplasnin me makinë efektivët e policisë.
Sipas prokurorisë gjatë hetimit dy mujore janë përdorur edhe metoda speciale të hetimit, si blerjet e stimuluara dhe përgjimet. Aksioni i policisë u zhvillua të enjten në mbrëmje dhe në pranga ra arrestua, Kryetari i Shoqatës së Transportit Ndërqytetas, Enea Sulejmani i cili ishte shoferi i mjetit tip “Tiguan”.
Ky i fundit tentoi të shtypte me makinë efektivët e policisë teksa u afruan për t’i arrestuar gjatë operacionit antidrogë. Në këto kushte efektivët e policisë kanë qëlluar me armë zjarri duke plagosur në këmbë në kushtet e vetëmbrojtjes. Bashkë me Sulejmanin janë arrestuar edhe dy të rinj, Shkëlqim Ostreni dhe Igli Begaj. Antidroga e Tiranës i kishte prej kohësh në ndjekje këta persona. Tre të rinjtë dyshohen si furnizues kokaine.
Njoftimi:
Agjencia e Mbikëqyrjes Policore (Rajoni Tiranë) ka vijuar hetimet e thelluara mbi personat e përfshirë në ngjarjen e datës 21.03.2024, ku u ndalua një punonjës policie dhe u arrestuan në flagrancë 3 shtetas të tjerë dhe pas këqyrjes së detajuar të komunikimeve telefonike mes tyre dhe personave të tjerë, deklarimeve të disa personave që tregojnë rrethana të hetimit, si dhe këqyrjes së pamjeve filmike të administruara, është bërë e mundur gjetja dhe kontrolli i një ambienti të përshtatur si Call Center, në pronësi të shtetasve M.H. (i shpallur në kërkim) dhe SH. O., i ndodhur në rrugën “Idriz Guri” Tiranë, në të cilin ushtrohej aktiviteti i paligjshëm i mashtrimit me bursën FOREX.
Gjatë kontrollit të ushtruar në këtë ambient, janë sekuestruar në cilësinë e provës materiale, dokumente, pajisje të ndryshme dhe disa njësi kompjuterike, në të cilat ishin të instaluara programe/aplikacione dhe lista emrash me numra italianë, të cilët kontaktoheshin nga disa operatorë, duke i mashtruar për investime në bursë, nëpërmjet të cilave arrinin të përfitonin vlera monetare të konsiderueshme, që variojnë nga 500 deri në 30.000 euro.
Mbi bazën e materialeve hetimore të administruara deri në këtë fazë i është relatuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, caktimi i masës së sigurimit personal me karakter shtrëngues, në mungesë, për shtetasit M. H., 33 vjeç, i dyshuar për veprën penale “Mashtrim kompjuterik” i kryer në bashkëpunim, si dhe regjistrimin e të njëjtës vepër për personin nën hetim SH. O., i arrestuar më parë si i dyshuar për veprën penale “Prodhim dhe shitje narkotikësh”.
Hetimet vijojnë për identifikimin e plotë të të gjithë personave të perfshirë në këtë veprimtari dhe dokumentimin me prova ligjore të veprave penale, ku dyshohet se ata janë të përfshirë.
and then