Mall dhe kujtime, por edhe shumë krenari për çdo shqiptar është ajo çfarë la pas Indrit Cara, ushtari i Kavajës që ra dëshmor në luftën për çlirimin e Kosovës. Vëllai Dorjani rrëfen vlerat e larta të patriotizmit që ishin ushqyer në familjen e tij dhe se si Indriti nuk pajtohej aspak me rrethanat e kohës dhe me situatën aspak të lehtë që po kalonte Kosova.
Indriti la Londrën, për t’u kthyer ne Atdhe. Vëllai Dorjani kujton bisedën e fundit me te dhe vendimin e tij për t’ju bashkuar ushtrisë çlirimtare të Kosovës. Komando, bashkëluftëtarë të Indrit Carës rrëfyen njohjen me Indritin dhe momentet kur kanë luftuar krah njeri-tjetrit kundër ofensivës serbe. Edukimin dhe përgatitjet e para, Indriti i mori në shkollën ushtarake “Skenderbej” në Tiranë.
Në këtë 25 vjetor të përkujtimores së tij, u vendosen kurora me lule në lapidarin e Indrit Carës, në fshatin Gallush të Suharekes, aty ku dha jetën për lirinë e Kosovës. Suhareka nderoi birin e Shqipërisë, duke mirëpritur në komunën e saj ambasadorin e Shqipërisë në Kosovë Petrit Malaj, kryebashkiakun e Kavajës Fisnik Qosja, familjarë të Indrit Carës, bashkëluftëtarë, miq dhe të njohur të tij. Në fjalën e tij kryetari i bashkisë së Kavajës Fisnik Qosja premtoi që në jubileun e 26 do të ngrihet një bust në qytetin e Kavajës, në nder të heroit kombëtar Indrit Cara. Në këtë datë të veçantë, u vendosën lule edhe në varrezat e dëshmorëve të atdheut.
()
and then