5 gola të shënuar, përmbysje kundër përmbysje, në fund feston Barcelona, me “vogëlushët” e Xavi-t që i dhuruan një leksion të pastër Mbappe-s me shokë duke i mposhtur brenda në Paris me rezultatin 3-2, një sukses i jep një bonus të madh për ndeshjen e kthimit. Kur të gjithë prisnin që Mbappe të bënte diferencën, ndodhi krejtësisht e kundërta, ishte Raphinha-n ai që bëri heroin duke realizuar një “dopietë” golash, i pari në minutën e 37-të.
![Finja](https://www.balkanweb.com/wp-content/uploads/2024/04/finja.jpg)
Në pjesën e dytë, PSG zbriti i karikuar në fushë duke përmbysur rezultatin brenda pak minutash. Në minutën e 48-të ishte Dembele që realizoi një gol prej “ishi” duke barazuar shifrat në 1-1. Tre minuta më pas, Vitinha dërgoi topin në rrjetë pas një aksioni të bukur duke përmbysur rezultatin. Atëherë kur të gjithë prisnin që PSG të vriste ndeshjen, në minutën e 62-të, Pedri dhuroi një super asist për Raphinha me brazilianin që nuk fali duke dërguar topin në rrjetë. Barcelona nuk u mjaftua me kaq, por në minutën e 77-të, gjatë zhvillimeve të një goditje këndi, Christensen me kokë kaloi Barcelonën në avantazh. PSG tentoi deri në fund të shmangte këtë humbje, por ishin dhe të pafat.
![Lequipe](https://www.balkanweb.com/wp-content/uploads/2024/04/LEQUIPE.jpeg)
Në hije për 90 minuta ishte Kylian Mbappe, i cili për herë të parë u vërshëllye edhe nga tifozët në “Parkun e Princave”.
Sipas UEFA-s, lojtari i ndeshjes rezultoi Raphinha. Ashtu siç pritej, suksesi i Barcelonës në Paris solli festë edhe në mediat spanjolle: “Brutal”, shkruan Sport. “Champions Liga”, ishte titulli kryesor i AS.
()