Amnistia/ 311 të burgosur në Fier përfitojnë ulje dënimi, lirohen 117 persona

Në burgun e Fierit ditën e sotme ka nisur zbatimi i amnistisë penale, ku përfituan 117 persona të dënuar për vepra të lehta penale.

Gazetarja Marsela Topi raporton për Arena e Lajmit se nga amnistia kanë përfituar të gjithë meshkujt që ndodhen në këtë institucion, të cilëve u kishte mbetur më pak se 4 vjet nga vuajtja e dënimit, siç është kundravajtja penale që denohet 2 vjet burg, përfshirë gjobat ose çdo lloj dënimi tjetër më të butë të marrë me vendim të formës së prerë.

Në këtë institucion kanë perfituar sipas drejtorit Ervin Bushi,  117 të burgosur, që dalin nga amnistia sot, ndërsa 311 të tjerë  përfitojnë ulje dënimi.

Pothuajse 30% e të dënuarve që ndodhen në Burgun e Fierit përfituan nga amnistia penale.

Familjarët e tyre i kanë pritur tek porta e jashtme e burgut. Ky  institucion i vuajtjes së dënimit ka mbi 800 të dënuar gjithsej, për vepra të ndryshme penale.

(Arena e Lajmit)