Juristi Ermir Lushnjari, në një lidhje me Skype në rubrikën Çështja e ditës nga Klevin Muka në News 24 ka komentuar reportazhin e RAI3 për Shqipërinë.
Lushnjari theksoi se ka dëgjuar që opozita italiane ka kërkuar interpelancë në Kuvend për marrëveshjen për emigrantët me Shqipërinë, por edhe për ndërhyrjet e kryeministrit shqiptar Edi Rama në RAI3.
Ermir Lushnjari: Partitë italiane në opozitë kishin kërkuar interpelancë për ndërhyrjet e Ramës në RAI3, por edhe për marrëveshjen Shqipëri-Itali. Për emigracionin sidomos dhe marrëveshjen është folur së tepërmi në Itali. RAI3 është televizion i rëndësishëm për Italinë.
Reportazhi ndikim më të madh duhet të japë tek klasa politike shqiptare dhe tek administrata publike shqiptare. Shqiptarët e kanë dhënë shembullin e tyre duke jetuar dhe punuar jashtë vendit. Ndërsa në provë është tashmë klasa politike shqiptare. Shqipëria po jep ndihmë të vogël për emigracionin, por ka kosto të madhe.
(Arena e Lajmit)
and then