Pas 13 vitesh, kontrata e koncesionit ndërmjet Ministrisë së Financave si autoritet kontraktues dhe shoqërive “Sicpa Security Solutions S.A.” e “Sicpa Security Solutions Albania sh.p.k.”, per projektimin, financimin, dizenjimin, prodhimin dhe ngritjen e një sistemi për emetimin, shpërndarjen, gjetjen dhe monitorimin e pullave fiskale e te pullave te kontrollit te barnave përfundon më datë 31 dhjetor 2024.
Ministria e Financave ka hartuar projektligjin, sipas të cilit nga data 1 janar 2025, propozohet qe prodhimi dhe shpërndarja e pullave fiskale te kryhet nga një person i autorizuar nga Këshilli i Ministrave.
Gjithashtu, për efekt të rëndësisë qe kane elementet e sigurisë se pullave fiskale propozohet që këta elemente te përcaktohen me VKM.
Sa i përket procedurës se porositjes se pullave fiskale, ajo mbetet e njëjtë, por pagesat e çmimeve te pullave fiskale dhe kostove të dërgesave do t’i paguhen personit te autorizuar nga Këshilli i Ministrave.
Koncesioni i pullave fiskale duhet të përfundonte ne 6 shkurt 2023, por Kuvendi vendosi qe ta shtynte atë deri në dhjetor 2024. Zgjatja e afatit shkaktoi pakënaqësi të bizneset, të cilat u ankuan se ky koncesion vetëm sa kishte shtuar ngarkesën fiskale dhe nuk i kishte shërbyer qëllimit të tij për të luftuar evazionin. Tarifa e lartë e pullave fiskale ishte kundërshtuar ashpër nga bizneset e mallrave të akcizës, pasi rendon kostot prodhuese
. Është e pa qartë se sa do te kushtojnë pullat fiskale te monopolit shtetëror nga 1 janari 2025. Aktualisht në Shqipëri, tarifa e pullave fiskale është 22,4 USD për 1,000 cope, ndërsa ne Europë çmimi mesatar i pullave fiskale është 3 USD për 1,000 copë, në Kosove 2,2 USD.
and then