Opozita thotë se ka dyshime të forta që procesi i pranimit të kandidatëve për gjyqtarë dhe prokurorë në Shkollën e Magjistraturës është manipuluar, ndërsa rezultatet ndryshuan përgjatë tri ditëve. Dhurata Çupi, përsërit thirrjen që drejtuesin e kësaj shkolle të japin shpjegime para Komisionit të Ligjeve.
Reagimi i plotë i Nënkryetares së Komisionit të Ligjeve:
Anëtarët e opozitës në Komisionin e Ligjeve do të këmbëngulin në kërkesën për transparencë mbi hijet e manipulimit të provimit të pranimit në Shkollën e Magjistraturës. Mazhoranca nuk duhet të pengojë as transparencën dhe as llogaridhënien e institucioneve publike, duke garantuar padyshim parimin e ndarjes dhe balancës mes pushteteve.
Zyrtarisht do të ripërsërisim kërkesën për raportim në Komisionin e Ligjeve të Drejtorit dhe Këshillit Drejtues të Shkollës së Magjistraturës. Administrimi i rregullt dhe korrekt i provimit për pranimin në Shkollën e Magjistraturës të kandidatëve për gjyqtarë dhe prokurorë është garanci për pavarësinë dhe integritetin e sistemit të drejtësisë në të ardhmen. Kuvendi nuk mund të qëndrojë indiferent ndaj shqetësimit publik të këtyre ditëve, që ngre dyshime serioze mbi procesin dhe rrezikon besueshmërinë e sistemit të drejtësisë për të paktën 30 vitet e ardhshme.
and then