Holanda dhe disa vende të tjera anëtare të Bashkimit Evropian po punojnë për hartimin e një letre që do t’i kërkojë Komisionit Evropian të organizojë strehimin për azilkërkuesit në vendet joanëtare të BE-së, sipas https://nltimes.nl/.
Azilkërkuesit mund të aplikojnë për azil në Bashkimin Evropian, por do të duhet të qëndrojnë në një vend jashtë BE-së derisa të presin vendimin për aplikimin e tyre.
Azilkërkuesit që kanë shteruar të gjitha mjetet juridike mund të strehohen edhe në vendet joanëtare të BE-së deri në udhëtimin e tyre të kthimit.
Republika Çeke dhe Danimarka e kanë filluar këtë plan.
Ideja është e ngjashme me një marrëveshje që Italia nënshkroi me Shqipërinë në nëntor.
Shqipëria, një vend joanëtar i BE-së, do të strehojë disa nga azilkërkuesit e shpëtuar në det me shpenzimet e Italisë, ndërsa autoritetet italiane përpunojnë kërkesat e tyre për azil.
Nuk është e qartë se me cilat vende joanëtare të BE-së, Holanda dhe vendet e tjera anëtare të BE-së duan që Komisioni Evropian t’i bëjë këto marrëveshje.
Ndërkohë, sekretari holandez i Shtetit, Eric van der Burg deklaroi se vendet e BE-së po kërkojnë zgjidhje shtesë për të forcuar kontrollin e tyre mbi migracionin.
Ai e quajti bashkëpunimin mes vendeve thelbësore për këtë.
”Kjo është arsyeja pse unë jam në favor të vendeve që kërkojnë edhe zgjidhje jashtë kornizës së zakonshme, siç janë marrëveshjet që Italia bëri me Shqipërinë”, theksoi Eric van der Burg.
”Këto zgjidhje duhet, në çdo kohë, të jenë në përputhje me ligjin ndërkombëtar dhe atë evropian”, shtoi ai.
and then