Shorti i gjysmëfinaleve të “Final 4” në këtë edicion të Kategorisë Superiore, ka vënë përballë Partizanin me Skënderbeun.
Sfida e të premtes pritet të kthejë rivalitetin e vjetër mes dy skuadrave të cilat për vite me radhë ishin “armike” të përbetuara në luftën për titullin.
Formula e kampionatit favorizon Partizanin që ka në avantazh edhe barazimin për të siguruar kalimin në finale. Por të kuqtë nuk mund të jenë të qetë, pasi bilanci i këtij sezoni u buzëqesh korçarëve.
Këta të fundit kanë mundur dy herë skuadrën kryeqytetase në Korçë me shifrat 1-0, teksa ndeshja e fazës së dytë në Tiranë u mbyll në barazim 1-1. Partizani ia doli të fitonte me rezultatin minimal 1-0 vetëm në ndeshjen e pak ditëve më parë në fazën e katërt, me golin e Mensah në minutat e fundit.
PARTIZANI-SKËNDERBEU
Skënderbeu-Partizani 1-0
Partizani-Skënderbeu 1-1
Skënderbeu-Partizani 1-0
Partizani Skënderbeu 1-0
PANORAMASPORT.AL
and then