Drejtori i Drejtorisë Vendore të Policisë Tiranë, Drejtues i Parë Tonin Vocaj, së bashku me Zëvendësdrejtorin për Hetimin e Krimit të Organizuar dhe Krimet e Rënda, Kryekomisar Alket Shatro, dhe Shefin e Sektorit për Hetimin e Krimeve Kibernetike, Komisar Klodjan Bilushi, morën pjesë në konferencën e 44-t të Policive të Kryeqyteteve Europiane, e cila u zhvillua në Tallinn, Estoni.
Në fokus të konferencës u diskutuan temat për:
– Trafikimin e paligjshëm e armëve të zjarrit dhe atyre të luftës, nga grupet e strukturuara kriminale;
– Rreziqet që lidhen me kalimin e paligjshëm të kufirit nga shtetasit e huaj dhe sfidat për riatdhesimin e tyre;
– Efektet e shfrytëzimit të teknologjisë në shërbimet e përbashkëta policore;
– Sfidat për luftën kundër Grupeve te Strukturuara Kriminale dhe Krimit të Organizuar në Europë;
– Çështje të tjera të rëndësishme të sfidave të përbashkëta për sigurinë dhe rendin, shkëmbimin e eksperiencave dhe promovimin e praktikave më të mira të bashkëpunimit.
Gjatë konferencës u ofruan mundësi për diskutime dhe u shkëmbyen ide midis delegatëve në nivele strategjike, duke lejuar diskutime mbi çështjet aktuale dhe për të kontribuar në kohezionin, mirëkuptimin e ndërsjelltë dhe bashkëpunimin e organizatave të Policisë Europiane.
Në mbyllje të konferencës 3-ditore, krerët e policive europiane, votuan që konferenca e radhës, të zhvillohet në vitin 2026, në Madrid, dhe firmosën një deklaratë të përbashkët.
()
and then