Shoqata e Prodhuesve dhe Tregtuesve të Pijeve Alkoolike Vendase do të zhvillojë sot një seancë publike në Gjykatën Kushtetuese, ndërsa kërkon shfuqizimin e pjesshëm të ligjit për akcizën e birrës.
Në një prononcim për News24, Sajmir Laçej, përfaqësues ligjor i shoqatës së prodhuesve të birrës theksoi se ky ligj e dyfishon akcizën e birrës dhe se dëmton prodhuesit vendas.
Laçej tha mes të tjerash se vendimi i Gjykatës Kushtetuese mund të jepet edhe sot, ose brenda 30 ditëve. Mes të tjerash ai thekson se një vendim i tillë për dyfishimin e akcizës krijon një precedent jo të mirë për Shqipërinë, për biznesin vendas, por edhe për investitorët e huaj.
“Jam Sajmir Laçej, avokat. Përfaqësoj shoqatën e Prodhuesve dhe Tregtuesve të Pijeve Alkoolike Vendase. Jam këtu për të përfaqësuar çështjen kundër Kuvendit të Shqipërisë në lidhje me shfuqizimin e dyfishimit të akcizës për prodhim vendas dhe jo vetën. Për të gjithë prodhuesit e vegjël, vendas dhe jashtë saj, që nga 1 janari 2023 është dyfishuar akciza e birrës, duke deformuar një ligj të përafruar që në 2012 dhe në kundërshtim me nenin 4 të direktivës 92/83 në lidhje me taksimin e produkteve të birrës. Sot në orën 10 jepen konkluzionet përfundimtare, dhe pritet vendimi, që ditën e sotme ose deri brenda 30 ditësh nga mbarimi i seancës. Shpresoj që punë e mirë që ka bërë Gjykata Kushtetues, duke dëgjuar argumentet dhe bërë pyetje profesionale, të finalizohet me një vendim në favor duke shfuqizuar një deformim që krijon një precedent jo të mirë për Shqipërinë, për investitorët e huaj, pasi duhen të mbrohen në radhë të parë ata vendas, për të dhënë një model që mbrohen edhe ata të huaj.”, tha ai.
()
and then