Shqiptari i Kosovës, Ermal Krasniqi është vetëm një hap larg transferimit te Sparta e Pragës. Sulmuesi që është aktualisht pjesë e Rapidit të Bukureshtit pritet t’i bashkohet skuadrës kampione të Çekisë, ku aktivizohen edhe 2 futbollistët e tjerë shqiptarë, Qazim Laçi dhe Indrit Tuci.
Sipas asaj që shkruan, Panorama Sport, Sparta e Pragës po ofron dy milionë euro për kartonin e Krasniqit. Dy klubet janë në rrugën e duhur për të arritur një marrëveshje. Anësori 25-vjeçar ka kontratë me klubin rumun deri në vitin 2025, teksa vlera e tij aktuale sipas “Transfermarkt” shkon deri në 1.5 milion euro.
Sezonin 2023/24, Krasniqi te Rapid Bukureshti e mbylli me gjashtë gola dhe pesë asistime – statistika këto të shkëlqyera, duke ditur se ai kompletoi transferimin në janar të këtij viti.
and then