Një 60-vjeçar në fshatin Banaj të Patosit dyshohet se ka rënë në kontakt me energjinë elektrike në banesën e tij ditën e sotme dhe për pasojë ka ndërruar jetë.
Raportohet se shtetasi I. M. është dërguar pa shenja jete rreth orës 18:30 në spitalin rajonal të Fierit.
Sakaq, grupi hetimor vijon punën për të dokumentuar me prova ligjore rrethanat e rastit.
Njoftimi i policisë:
Fier/Informacion paraprak
Rreth orës 18:30, në spitalin rajonal të Fierit, është dërguar pa shenja jete, shtetasi I. M., rreth 60 vjeç, banues në fshatin Banaj, Patos.
Ky shtetas dyshohet se aksidentalisht ka rënë në kontakt me rrymën elektrike, në banesën e tij.
Grupi hetimor vijon punën për të dokumentuar me prova ligjore rrethanat e rastit.