6 ditë pasi avokati Sokol Mëngjesi qëndroi në gjendje kome, pasditen e kësaj të hëne do të transportohet drejt Athinës.
Sipas raportimeve Mëngjesi do të transportohet me avion për mjekim në shtetin helen.
Avokati, Sokol Mëngjesi qëndron prej gjashtë ditësh në gjendje kome pasi në datën 29 maj sapo la djalin në kopsht në zonën e ish-bllokut 5 shtetas e sulmuan brutalisht duke i shkaktuar plagë të shumta.
Teksa 4 shtetasit e përfshirë në ngjarje janë shpallur në kërkim, njëri prej tyre është vetëdorëzuar.
Dorian Alia 32-vjeç ka pranuar se porositës i sulmit është Dritan Nano.
I riu ka pranuar se dhuna ka ardhur si paralajmërim që avokati 45 vjeçar të tërhiqej nga padia kundër Nanos për të marrë çka i takonte në pronën e fituar me gjyq te kullat e Liqenit.