19-vjeçari në Tropojë tmerron familjen! Ushtron dhunë ndaj të afërmve dhe kanos me thikë nënën, arrestohet

Policia në Tropojë ka arrestuar një 19-vjeçar, pasi ka ushtruar dhunë fizike ndaj familjarëve të tij.

Përpos të tjerash, i riu ka kanosur me mjet prerës (thikë) edhe nënën e tij.

“Tropojë

Ndërhyrja e menjëhershme e shërbimeve të Policisë parandalon përshkallëzimin e mëtejshëm të dhunës në një familje.

Ushtroi dhunë fizike ndaj familjarëve dhe kanosi me mjet prerës (thikë), nënën e tij, arrestohet në flagrancë 19-vjeçari.

Gjithashtu, ky shtetas dyshohet se i vodhi celularin, njërit prej familjarëve.

Sekuestrohen 2 mjete prerëse (thika) dhe celulari i vjedhur.

Shërbimet e Komisariatit të Policisë Tropojë, pas marrjes së njoftimit se fshatin Shoshan, po ndodhte një konflikt në familje, menjëherë kanë organizuar punën dhe kanë shkuar në adresën e dhënë ku kanë kapur dhe vënë në pranga shtetasin S. B., 19 vjeç, banues në fshatin Shoshan.

Ky shtetas dyshohet se ka ushtruar dhunë fizike ndaj nënës së tij dhe disa familjarëve të tjerë, e ka kanosur nënën me mjet prerës (thikë), si dhe i ka vjedhur celularin njërit prej familjarëve.

Gjatë kontrollit fizik, shërbimet e Policisë i gjetën 19-vjeçarit, 2 mjete prerëse (thika) dhe celularin e vjedhur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme”, njofton policia.

(Arena e Lajmit)