Këshilli i Ambasadorëve Shqiptarë: BE duhet të fokusohet në lehtësimin e një dialogu të drejtë për Kosovën

Këshilli i Ambasadorëve Shqiptarë thekson se BE duhet të fokusohet në lehtësimin e një dialogu të drejtë që respekton pavarësinë e Kosovës.

Përmes një deklarate, Këshilli i Ambasadorëve Shqiptarë thekson se ka ndjekur me interes dhe shqetësim të madh negociatat e stërzgjatura ndërmjet Serbisë dhe Kosovës dhe dëshiron që sa më shpejt të arrihet një marrëveshje përfundimtare.

KASH shrehet kundër presionit që i bëhet Kosovës për të rënë dakord për formimin e komunave me shumicë serbe dhe beson se një presion i tillë minon sovranitetin e Kosovës dhe inkurajon qëndrimin e Serbisë për mosnjohje.

“Zgjidhjet e imponuara mund ta destabilizojnë rajonin.

KASH thekson se roli dhe kontributi i pazëvendësueshëm i BE-së duhet të fokusohet në lehtësimin e një dialogu të drejtë që respekton pavarësinë e Kosovës.

Këshilli i Ambasadorëve Shqiptarë i sugjeron BE-së që të caktojë negociatorë të saj për dialogun Kosovë-Serbi diplomatë/politikanë që do të ishin të mirëpritur dhe të pranueshëm nga të dyja vendet, në mënyrë që të rritet niveli i besueshmërisë mes të gjitha palëve.

KASH vlerëson gjithashtu se sjelljet e Serbisë si proxy ruse, si dhe deklarimet e liderit të Republika Srpska Dodik për shkëputje nga Bosnje dhe Hercegovina, duhet të ndalen me çdo kusht para se të jetë tepër vonë. Këto të fundit i konsiderojmë një recetë për luftë, si dhe një qasje që shkon në të njëjtën linjë/llogjikë me agresionin rus kundër Ukrainës”, thuhet në deklaratë.

Arena e Lajmit

Këshilli i Ambasadorëve Shqiptarë: BE duhet të fokusohet në lehtësimin e një dialogu të drejtë për Kosovën

Ju mund të regjistroheni në buletinin tonë të lajmeve plotësisht falas

Mos e humbisni mundësinë për t'u informuar për lajmet më të fundit dhe eksluzive, filloni tani abonimin tuaj falas me e-mail.

Welcome

Instalo aplikacionin tonë
×
Na ndiqni

Na ndiq në Facebook