Njëri dhunoi ish-të dashurën, tjetri ngacmoi seksualisht një vajzë, 36-vjeçari përndoqi një grua, 4 të arrestuar në Tiranë

Policia e Tiranës ka arrestuar 4 persona, autorë të dyshuar për disa vepra penale.

NJOFTIMI
Specialistët për Hetimin e Krimeve të Komisariatit të Policisë Nr. 2:

– Ndaluan shtetasin J. C., 34 vjeç, banues në Tiranë, për veprën penale “Ngacmimi seksual”, pasi dyshohet se ka ngacmuar seksualisht një shtetase;

– Arrestuan shtetasin J. S., 36 vjeç, banues në Tiranë, për veprën penale “Përndjekja”, pasi dyshohet se, në mënyrë të vazhdueshme, ka përndjekur një 58-vjeçare.

Specialistët për Hetimin e Krimeve të Komisariatit të Policisë Nr. 4 arrestuan shtetasin D. S., 39 vjeç, banues në Tiranë, pasi dyshohet se ka ushtruar dhunë ndaj ish-të dashurës së tij.

Specialistët e Komisariatit të Policisë Rrugore arrestuan shtetasin E. M., 41 vjeç, banues në Tiranë, pasi në rrugën dytësore Durrës-Tiranë, duke drejtuar automjetin në gjendje të dehur, është përplasur me një automjet tjetër dhe si pasojë ka vetëm dëme materiale.
–
Më datë 04.06.2024, në fshatin Dritas, është vetëvarur shtetasja D. K., 33 vjeçe, e cila dyshohet se vuante nga probleme të shëndetit mendor.

Materialet i kaluan Prokurorisë.