Policia arrestoi të enjten në Bolzano të Italisë 40-vjeçarin shqiptar M. U. Autoritetet në Francë kishin lëshuar një urdhër-arresti ndërkombëtar dhe po e kërkonin atë për grabitje në një apartament dhe pengmarrje.
Krimet u kryen në zonën e Lionit në tetor 2023. 40-vjeçari në atë kohë kishte bashkëpunëtor dhe viktima e të dyve mësohet se ishte një grua e moshuar.
Në bashkëpunim me Europolin, policia ka rënë në gjurmët e një prej të dyshuarve në një apartament në Oberau. 40-vjeçari jetonte aty me partneren e tij.
Të enjten, oficerët e zbatimit të ligjit hynë në banesë dhe arrestuan shqiptarin. Ai u dërgua në burgun e Bolzanos. Gjykata e Lartë Rajonale është tani përgjegjëse për çështjen.
(Arena e Lajmit)
and then