Shefi i Organizimit në PD-në e Rithemelimit, Klevis Balliu, i ftuar në emisionin Kjo javë nga gazetarja Nisida Tufa në News 24 ka komentuar investigimin e RAI3.
Balliu theksoi se se pas emisionit, ku flitet se kryeministri shqiptar Edi Rama mund të ketë takuar eksponentë të krimit, SPAK duhet të vepronte e madje mund të arresonte kreun e qeverisë. Sipas Balliut, kryeministri Rama nuk takon askënd që nuk ka lidhje me drogën.
“Tani nuk po bën akuza opozita, por po e bën RAI3. RAI3 nuk është TV privat, është shtetëror e nuk mund të lobohet. SPAK duhet të arrestonte Ramën pas investigimit. Rama tha se ka pritur Luftar Hysën për një licensë kazinoje. Edhe Luftar Hysa tha që e ka takuar. Pse kryeministri duhet të japë licensa kazinoje. Prova që krimi është bërë është fakti që kazinoja është ngritur.
Luftar Hysa është një njeri i certifikuar si njeri që ka pastruar paratë e drogës. Rama nuk takon asnjë njeri që s’ka lidhje me drogën, është kriter në qeverinë e Ramës që të kesh lidhje me drogën, Tahiri kishte lidhje me trafikantë, Arben Ahmetaj. Mua më dhemb shumë gjendja e vendit tim sesa çfarë thotë Edi Rama. Vetëm Rama na dilka i pastër, ndërkohë që dihet se kriminelët me kriminelët do të rrinë”, u shpreh Balliu.
(Arena e Lajmit)
and then