Gardiani i portës së kombëtares gjermane Manuel Neuer, ishte në qendër të kritikave, mbrëmjen e së premtes, pas gabimit që solli edhe golin e parë për kombëtaren e Greqisë.
Megjithëse tekniku i tij, Nagelsmann u mundu t’i dilte në mbrojtje në përfundim të sfidës, duke thënë se nuk gaboi vetëm portieri i tij në këtë ndeshje, vetë Neuer, nuk fshihet pas gishtit.
“Mund të bënim më mirë në këtë ndeshje. Në pjesën e dytë u përmirësuam dhe krijuam më shumë raste. Goli i pësuar? Ishte gabimi im. Duhet ta kisha kryer më mirë atë rivënie të topit”, theksoi ndër të tjera portieri i “Panzerave”.