Fredi Beleri, i renditur i 3-ti në listën e Nea Demokracia për Parlamentin Europian, pritet të jetë një nga europarlamentarët e rinj.
Edhe pse ndodhet i burgosur në Shqipëri, me vendim të shkallës së Parë të GJKKO, për korrupsion në zgjedhje, Beleri me 2473 votat e marra në zgjedhjet në Greqi, renditet si i treti më i votuar në radhët e “Demokracisë së Re”.
Fitorja e Belerit, sipas mediave greke, është pritur me ovacione nga përfaqësues të minoritetit grek.
Bashkëpunëtorët e Belerit thanë për median greke se kryebashkiaku i zgjedhur i Himarës do të japë sot një mesazh nga burgu, ndërsa kreu i PBDNJ-së, Vangjel Dule tha se e sotmja është një natë e madhe gëzimi për qytetin.
“Ka siguri që Fredi do të jetë eurodeputet. Është një natë e madhe për Himarën. Ky është një shfajësim i Belerit, për betejat e përjetshme të gjithë helenizmit. Historia është shkruar me shkronja të arta”, u shpreh ai.
Lidhur me daljen nga burgu të Belerit, në rast se duhet të jetë i pranishëm në Parlamentin Europian për t’u betuar, nuk ekziston nevoja për një procedurë për betim sa i përket eurodeputetëve.
Gjithsesi, më 16 korrik do të zhvillohet një takim, ku Beleri do të ketë nevojë për leje të posaçme për të marrë pjesë.
and then