Kroacia barazon me Shqipërinë, mediat serbe: Do kthehen shpejt në shtëpi, Shqipëria luajti përtej mundësive të saj

Kroacia dhe Shqipëria u ndalën në një barazim 2-2 në ndeshjen e dytë të Grupit B në Euro2024, pas humbjeve që pësuan në ndeshjet e para respektivisht ndaj Spanjës dhe Italisë.

Laçi kaloi në avantazh Shqipërinë në minutën e 11-të, ndërsa Andrej Kramarić i dha shpresë Kroacisë me golin në minutën e 74-të. Tre minuta më pas ishte Gjasula që shënoi autogol në minutën e 77-të për të kaluar në avantazh Kroacinë. Por asgjë nuk ishte mbyllur, pasi në minutën e 94-t, Gjasula realizon në portën kroate duke vendosur barazpeshën 2-2.

Kjo ndeshje u ndoq me shumë interes, ndërsa mediat serbe raportojnë se skandali ka ndodhur në tribuna.

Kroacia është tani në një situatë jashtëzakonisht të vështirë sa i përket kualifikimit në fazën eliminatore të Kampionatit Evropian. Me vetëm një pikë, kroatët hyjnë në turin e tretë të Grupit B, ku do të kenë një ndeshje kundër Italisë. Nga ana tjetër, as Shqipëria nuk është më mirë, pasi e pret një ndeshje me Spanjën. Kjo ndeshje, përveç emocioneve të shumta në fushë, u karakterizua edhe nga brohoritjet e turpshme nga tribuna. “Vrit, vrit, vrit Serbin”, brohoritën nëpër stadium tifozët teksa luanin futbollistët e këtyre kombëtareve – shkruan Kurir..

Media serbe në vijim i gëzohet faktit se kroatët do kenë një kthim të shpejtë në shtëpi. Edhe fitorja ndaj Italisë nuk garanton kalimin e kroatëve. Dhe tani janë në një problem të madh, e kanë vënë veten në një situatë shumë të sikletshme, kanë një matematikë të vështirë.

Blic shkruan se Kroacia nuk arriti të maskonte një lojë të keqe ndaj një rivali më të dobët.

Kroacia nuk arriti të maskonte një lojë të keqe ndaj një kombëtareje që nuk është në nivelin e tyre. Tani ata duhet të shqetësohen për turin e fundit sepse vetëm fitorja është e mundur. Nga ana tjetër, Shqipëria bëri një punë të madhe dhe luajti përtej mundësive të saj.

Kroacia kontrolloi posedimin e topit në pjesën e parë të ndeshjes, por praktikisht nuk dinte çfarë të bënte me të. Në situata të caktuara, kroatët nuk arritën të fitojnë as një kënd. Dhe më pas, në pjesën e dytë, Kroacia luajti shumë më mirë, më energjikisht dhe më vendosmërisht. Ajo shtrëngoi rrethin e kundërshtarit, gjuajti në portë, provoi, mbajti Shqipërinë në një pjesë dhe kjo përfundimisht dha rezultat. Skuadra e Zlatko Dalić mori jetë kur Ante Budimir u fut në lojë dhe luajti një rol të madh në golat.