Drejtonin automjetet në gjendje të dehur, arrestohen dy persona në Durrës

2 persona kanë rënë në pranga nga efektivët e rrugores në Durrës.

Sipas informacioneve nga komunikata zyrtare, R. Rr., 61 vjeç dhe F. A., 37 vjeç, të dy banues në Durrës janë konstatuar se drejtonin mjetet e tyre në gjendje të dehur.

Teksa 2 qytetarët kanë rënë në pranga, materialet kanë kaluar në Prokurori për veprime të mëtejshme hetimore.

Njoftimi i policisë:

Gjithashtu, arrestoi në flagrancë shtetasit R. Rr., 61 vjeç dhe F. A., 37 vjeç, të dy banues në Durrës, pasi janë konstatuar nga shërbimet e Policisë, duke drejtuar automjetet përkatëse, në gjendje të dehur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.