“U ul numri i turistëve në Krujë”, banorët sot protestë: Po falimentojnë bizneset, u përjashtuam nga aksesi në autostradën Thumanë -Kashar

Ditën e sotme, në orën 18:00 do të mbahet protestë tek ish-rrethrrotullimi i Thumanës.

Në njoftimin e shpërndarë në rrjetet sociale, thuhet se kjo protestë do të mbahet për shkak të përjashtimit të zonës nga aksesi në autostradën Thumanë -Kashar, për shkak se të gjithë bizneset në rrethin Krujë janë në prag falimenti.

“Kruja si qytet historik është lënë e aneksuar nga ndërtimi i kësaj autostrade dhe numri i turistëve në këtë qytet është tkurrur”, shkruhet në njoftim.