Një vajzë e mitur ka mbetur e dëmtuar ditën e sotme në plazhin e Velipojës pasi dyshohet se gjatë kohës që lundronte me një skaf së bashku me familjen aksidentalisht është rrëzuar.
Raportohet se 8-vjeçarja pasi është rrëzuar ka dëmtuar lehtë këmbën, ndërsa më pas është dërguar në spital për ndihmë mjekësore jashtë rrezikut për jetën.
Sakaq, drejtuesi i mjetit lundrues, shtetasi D. H., 57 vjeç, është shoqëruar në ambientet e Policisë Kufitare për veprime të mëtejshme, ndërsa mjeti lundrues skaf është bllokuar nga shërbimet e DVKM Shkodër.
Njoftimi i policisë:
Velipojë/Informacion paraprak
Në plazhin e Velipojës, një shtetase e mitur 8-vjeçare, e shoqëruar nga familjarët e saj, dyshohet se gjatë kohës që lundronin me një mjet lundrues skaf të familjarit të tyre aksidentalisht është rrëzuar dhe ka dëmtuar lehtë këmbën.
Shtetasja e mitur është dërguar në spital për ndihmë mjekësore jashtë rrezikut për jetën.
Drejtuesi i mjetit lundrues, shtetasi D. H., 57 vjeç, është shoqëruar në ambientet e Policisë Kufitare për veprime të mëtejshme, ndërsa mjeti lundrues skaf është bllokuar nga shërbimet e DVKM Shkodër.
Grupi hetimor, nën drejtimin e Prokurorit, vijon punën për sqarimin e plotë të rrethanave të rastit.
and then