Juristi Skerdjan Dhuli, në një lidhje live në News 24 ka pranuar se një nga arsyet e humbjes së opozitës në Himarë ishte dhe fakti që koha ishte e pamjaftueshme për të bërë fushatë, pasi procesi ka qenë tepër i shpejtë.
Dhuli theksoi se duke qenë se koha ishte e pamjaftueshme, edhe puna në terren nga kandidati Petro Gjikuria nuk është bërë dot 100 përqind. Ai tha se Gjikuria ishte një kandidaturë tepër e mirë e kristal. Një kritikë ai pati edhe për Belerin, duke thënë se e ka mik dhe se fitoi në zgjedhje, edhe pse mbi shpinë mbarte disa problematika. Sipas Dhulit, jo gjithmonë fitojnë kandidatët që janë të pastër.
Skerdjan Dhuli: Petro Gjikuria ishte një kandidat i shkëlqyer për kryetar të Bashkisë së Himarës, ishte një qytetar model, që jetën e vet e ka ngritur me meritë e jo me gjoba e taksa të vjedhura. Gjikuria e meritonte të ishte kandidat. A kishte kohë të mjaftueshme? Jo, nuk kishte kohë të mjaftueshme. Procesi zgjedhor ishte shumë flesh dhe në njëfarë mënyre nuk kishte kohë mjaftueshëm për fushatë. Koha e pamjaftueshme i pamundësoi Gjikurias të ishte 100 përqind në terren.
Duhet thënë se Beleri fitoi duke pasur edhe problematika, që ai vetë i ka pranuar. Ndërkohë, Petro Gjikuria, që është një figurë kristal e pastër humbi. Nga kjo kuptohet mesazhi që kemi marrë për këto zgjedhje. Dhe Ardit Cikuli kishte cilësi të jashtëzakonshëm në Sarandë humbi, pasi u mblodhën falangat e krimit. Edhe modeli qytetar nuk rezulton gjithmonë fitues, sepse vjen Alket Hyseni me njerëzit e tij e të del fitues.
(Arena e Lajmit)
and then