Partia Demokratike ka denoncuar se nga Porti i Durrësit ka dalë një ngarkesë me mbetje të rrezikshme me 100 kontenierë në dy anije. Anëtari i Kryesisë së PD, Grigels Muçollari deklaroi se dy anijet që transportojnë ngarkesën kanë fikur aparaturat që kontrollojnë vendndodhjen në det të hapur.
Sipas tij, ngarkesa e dyshuar toksike ka alarmuar autoritetet e BE, të Singaporit dhe Malajzizë.
Muçollari i kërkon autoriteteve shqiptare ligjzbatuese të reagojnë dhe të bëjnë transparencë për rastin ndërsa i është drejtuar edhe ministrit të ri të Mbrojtjes, Pirro Vëngu i cili ka qenë Drejtor i Portit kur ngarkesa nga dalë nga Durrësi në datën 4 korrik 2024.
“Pse nuk ka nisur një hetim? Raportimet janë se anijet janë ngarkuar me 4 korrik. Drejtori i portit në atë ditë, në detyrë, ishte ai që u promovua, u bë Ministër i Mbrojtjes. A ka diçka Vengu për të thënë për këtë rast? Nëse janë materie e rrezikshme, nga buron, ku del, ku prodhohet, ku strehohet? Nëse ky është një biznes ilegal i grupeve kriminale, si ka mundësi që ka ndodhur në mes të ditës? Autoritetet nga Europa, Singapori, e deri në Malajzi, janë në alarm. Vetëm rilindasit nuk ndihen“, thekson Muçollari.
Deklarata
Bota e shqetësuar për anijen e ngarkuar në Durrës, qeveria hesht
Një aksion i madh ndërkombëtar po ndodh, në një gjueti të ethshme për të ndalur e kontrolluar rreth 100 konteniere në dy anije, me qindra tonë ngarkesë, që dyshohet se janë mbetje të rrezikshme.
Ndërsa hetime po bëhen, ajo që është e sigurtë deri tani, është se origjina e kësaj ngarkese, është Porti i Durrësit.
Kjo histori që është lajm në mediat ndërkombëtare ka përfshire disa vende, organizata të rendësishme të sinjalizimit, e kompani të mëdha si Maersk. E vetmja që nuk bën zë, e pashqetësuar nga kjo ngjarje, eshtë qeveria shqiptare.
Ajo që duhej të ishte ngritur në alarm e para, pas këtij zbulimi.
Dyshimet për rrezikshmërinë e lendës janë shtuar edhe prej faktit se anijet transportuese kanë fikur aparaturat që tregojnë vendndodhjen.
Derisa çështja të sqarohet, disa pyetje për qeverinë tonë ngelen.
Si mund të ngarkohen 100 konteniere të mëdhenj në portin kryesor të vendit, dhe askush të mos dalë e të thotë, për çfarë bëhet fjalë?
Nëse janë materie e rrezikshme, nga buron, ku del, ku prodhohet, ku strehohet?
Nëse ky është një biznes ilegal i grupeve kriminale, si ka mundësi që ka ndodhur në mes të ditës?
Pse nuk ka nisur një hetim?
Raportimet janë se anijet janë ngarkuar me 4 korrik. Drejtori i portit në atë ditë, në detyrë, ishte ai që u promovua, u bë Ministër i Mbrojtjes. A ka diçka Vengu për të thënë për këtë rast?
Autoritetet nga Europa, Singapori, e deri në Malajzi, janë në alarm. Vetëm rilindasit nuk ndihen.
Duhet transparencë e plotë dhe e menjëhershme për këtë rast.
Kemi të bëjmë jo vetëm me sigurinë e jetës, të qytetarëve tanë, nisur nga rrezikshmëria që kanë ato mbetje, por dhe me sigurinë kombëtare, duke qënë se kjo ka ndodhur në portin tonë më të madh, që është dhe port i NATO-s.
()
and then