Ashtu si në fushë, edhe jashtë sajë, në tregun e transferimeve, asgjë nuk është e sigurt. Paulo Dybala kishte bërë gati valixhet për të udhëtuar drejt Arabisë Saudite, ishte përshëndetur me të gjithë në kryeqytet, por në mënyrë të pa pritur një statusi i tij në rrjetet sociale përmbysi gjithçka:
“Faleminderit Roma, shihemi të dielën”, shkroi Dybala, duke bërë që tifozët të shpërthenin në festë, madje me dhjetëra prej tyre shkuan në shtëpinë e argjentinasit duke festuar. Statusi i Dybala-s bëri xhiron në rrjet duke sjell edhe reagimin e shokëve të tij të skuadrës, të gjithë në delir për këtë vendim të tij. Në mënyrë të papritur, Dybala vendosi të qëndrojë në kryeqytet duke refuzuar një kontratë 3-vjeçare dhe 75 milionë euro.
Sipas mediave italiane, tre ishin arsyet pse Dybala refuzoi ofertën e sheikëve saudit: 1-dashuria e njerëzve në Romë, e tifozëve, që e kanë mbështetur pa kushte që nga dita e parë. 2-Mbështetja dhe kërkesa e shokëve të ekipit që të mos largohej. 3-Pavarësisht se bëhej fjalë për një ofertë që do ta mbulonte me para, nuk ishte e mirë formuluar, nuk ishte shumë bindëse as për lojtarin e as për shoqërinë.
Me Dybala që vendosi të qëndrojë, tani edhe merkato e Romës ndryshon. Drejtuesit e klubit do të punojnë për objektiva me kosto të ulët. De Rossi kërkon një anësor të djathë, një mbrojtës qendre, një anësor të majtë dhe një mesfushor.
()
and then