Në kuadër të operacionit “Para Drejtësisë”, Shqipëria ka ekstraduar në Gjermani një shtetas gjerman të identifikuar si Zeki Oz, i kërkuar për plagosje dhe vjedhje.
Ai u ndalua në kufirin e PKK Morinë rreth dy muaj më parë.
Oz, 35 vjeç, akuzohet nga autoritetet gjermane se në vitin 2019 ka sulmuar dhe plagosur një individ në një vendparkim në Heiningen, duke i vjedhur më pas çantën me sende personale.
Ekstradimi është finalizuar falë bashkëpunimit të ngushtë mes Interpol Tiranës dhe Interpol Wiesbaden.
Njoftimi i policisë:
Policia e Shtetit
Operacioni “Para drejtësisë”, ekstradohet në Gjermani, një shtetas i akuzuar për plagosje dhe vjedhje, në një vendparkim automjetesh në Heiningen.
Në vijim të bashkëpunimit të ngushtë me homologët e Interpol Wiesbaden, specialistët e Interpol Tiranës finalizuan procedurën për ekstradimin nga Shqipëria në Gjermani, të shtetasit gjerman, të shpallur në kërkim ndërkombëtar, Z. O., 35 vjeç.
Ai u ndalua në PKK Morinë, rreth 2 muaj më parë, pasi rezultoi se akuzohet nga autoritetet gjermane, për plagosje dhe për vjedhje. Dyshohet se në vitin 2019, 35-vjeçari, në një vendparkim automjetesh në Heiningen, ka goditur një shtetas, me grushte dhe me send të fortë, si dhe i ka vjedhur atij çantën me sende personale.
Policia e Shtetit vijon intensivisht bashkëpunimin me homologët, për të kapur dhe nxjerrë përpara drejtësisë, shtetasit e kërkuar ndërkombëtarisht.
and then