Ndeshja ndaj Shqipërisë, trajneri i Ukrainës: Rival serioz, s’kishin fat në shortin e Europianit

Numri një i skuadrës së Ukrainës, Rebrov dha mendimin e tij para ndeshjes me Shqipërinë në Nations League.

“Mendoj se Shqipëria ishte shumë e pafat në shortin e Europianit, të gjithë kundërshtarët ishin të një niveli të lartë, në të gjitha ndeshjet ata mbrojtën mirë. Por në fazën kualifikuese, ata luajtën me shumë besim, ata kanë një lojë intensive.

Të gjithë lojtarët luajnë në Europë, thuajse i gjithë ekipi titullar luan në kampionatin italian. Ne duhet ta trajtojmë këtë kundërshtar me shumë seriozitet. Mendoj se Shqipëria nuk ka treguar ende potencialin e saj, që është shumë i madh”, tha Rebrov.