Deputeti i PS Xhemal Qefalia, i ftuar në rubrikën Opinion në News 24 të moderatores Ina Qirjo, komentoi mosdërgimin e mandatit të Olta Xhaçkës në Gjykatën Kushtetuese.
Qefalia tha se maxhoranca nuk mbron mandatin e askujt. Ai tha se PS kërkon tashmë një mendim nga Komisioni i Venecias, duke shtuar se shpreson që “Venecia” të japë një verdikt të qartë.
Xhemal Qefalia: Nuk ka pasur vendimmarrje në grup. Është e paqartë se si duhet të veprojë një deputet në të tilla raste. Ne i jemi drejtuar Komisionit të Venecias në mënyrë të qartë. GJK nuk e urdhëron deputetin sesi të shprehet sesi do të votojë.
Maxhoranca nuk po mbron mandatin e Olta Xhaçkës, pasi mandati i saj mbaron vitin tjetër. Siç e kemi parë, kemi kolor votash, nuk ka ndarje mes maxhorancës dhe opozitës. Presim që Komisioni i Venecias të japë një verdikt të qartë. Deputetët kanë votuar sipas mendimit të tyre.
(balkanweb)
and then