Përpara disa ditësh, biznesmeni i njohur Kristian Boçi u përfshi në një aksident në autostradën Rrogozhinë-Lushnjë, ku humbi kontrollin e makinës, duke çarë barrierat anësore të rrugës dhe më pas përfundoi në kanal.
Për biznesmenin Boçi dhe familjen e tij këto kanë qenë ditë aspak të lehta. Pas aksidentit të rëndë ku u përfshi bashkë me fëmijët e tij, Boçi tha se ka humbur njërin sy, saktësisht atë të majtë.
“Faleminderit për mesazhet. Vërtetë kam humbur shikimin në syrin e majtë, por gjithmonë me shpresën që do më vijë. Faleminderit Zotit që i kam mirë fëmijët”, tha biznesmeni ditë më parë.
Ndërsa sot, ka publikuar një tjetër foto, ku shihet pranë nënës së tij. Kristiani ka shprehur falënderime për të gjithë njerëzit që i kanë dërguar mesazh në këto ditë jo të lehta për të, si dhe ka falënderuar edhe mjekët në Spitalin Ushtarak në Tiranë.
“Qenka e rëndë të zgjohesh pas 47 viteve me një sy. Faleminderit o Zot për çdo të mirë e të keqe që më dhuron. Ta duam dhe ta vlerësojmë Zotin në çdo hap. Zoti ua bekoftë dorën për çdo sms. Faleminderit Spitali Ushtarak”, shkruan Kristian Boçi.
(Arena e Lajmit)
and then