Boris Becker gjeti sërish dashurinë dhe u martua për herë të tretë. Ish-kampionia gjermane e tenisit 56-vjeçare u martua me Lilian de Carvalho Monteiro, 33 vjeç, në një festë tre-ditore në Portofino, Itali më 14 shtator.
Lillian, e cila ka lindur në shtetin ishullor të Afrikës qendrore, Sao Tome dhe Principe, kishte veshur tre veshje të ndryshme gjatë dasmës, ndërsa Becker u shfaq me një smoking krem. Ceremonia u zhvillua jashtë, e rrethuar nga kopshte të bukura dhe u pasua nga një festë me një tortë me katër nivele të mbuluara me trëndafila të bardhë.
Duke folur për martesën e tyre me revistën Hello, Becker e përshkroi atë si një “Weekend magjik” dhe tha se ata zgjodhën Portofino sepse kishin kaluar shumë fundjava të lumtura së bashku atje. “Të gjithë qanë, edhe unë… Vendi ku u zhvillua ceremonia është një nga më uniket që kam parë në jetën time ”, tha ai me emocion.
Nusja ka mahnitur 100 të ftuarit me një fustan të bardhë pa rripa, i dizajnuar posaçërisht për të nga mikja e saj e vjetër Andra Ravielli, e cila i kishte premtuar se do t’i bënte fustanin e nusërisë kur të martohej. Çifti, i cili jeton në Itali dhe filloi lidhjen në vitin 2019, shkëmbyen unazat e martesës prej ari dhe brenda pak orësh nga dasma, ish-kampioni i tenisit ndau gëzimin e tij me ndjekësit në Instagram.
Festimi ishte veçanërisht i rëndësishëm për Becker, i cili ka gjashtë tituj Grand Slam, pasi ai u lirua nga një burg britanik në dhjetor 2022 pasi kreu një dënim tetë muajsh për mashtrim financiar. Në krah të tij ishin dy djemtë e tij, Noah dhe Ilia, nga martesa e tij e parë me Barbara Feltus.
Mes të ftuarve ishte edhe ish-futbollisti holandez Ruud Gullit dhe aktori dhe modeli gjerman Boris Konzoe. Të ftuarit kaluan tre ditë në Portofinon piktoreske, ku çifti i priti me varka dhe pije para ditës së dasmës.
Lillian, 23 vjet më e re se Becker, i qëndroi pranë në kohët e vështira, edhe kur u burgos për dy vjet e gjysmë në Mbretërinë e Bashkuar për fshehjen e 2.5 milionë £ në asete. Ai kreu vetëm tetë muaj të dënimit.
and then