Deputetja e PD, Dhurata Çupi ka rikujtuar dënimin e grupit të deputetëve nga regjimi komunist para 77 viteve, veprim që po e përsërit regjimin, shprehet Çupi.
Më tej Çupi ka theksuar se ajo ishte një ditë e trishtë dhe vendimtare për Shqipërinë e atëhershme, që edhe sot, pas 77 vitesh, mbetet një kujtim i dhimbshëm.
Postimi i Çupit:
Në respekt dhe në kujtim të atyre burrave të mençur, të atyre që guxuan të mendonin ndryshe në një kohë kur çdo mendim i lirë ndëshkohej ashpër. Një ditë e trishtë dhe vendimtare për Shqipërinë e atëhershme, që edhe sot, pas 77 vitesh, mbetet një kujtim i dhimbshëm.
Aktakuza:
“Rrëzimi me forcë i pushtetit popullor”!
“Për veprën e tradhtisë së lartë për rrëzimin e shtetit demokratik shqiptar…” dënohen: me vdekje, me pushkatim!
Kush ishin ata?
- “Grupi i deputetëve”, opozita e parë dhe e vetme që lindi në Shqipërinë e sapoformuar komuniste;
- Intelektualë dhe liberalë, të diplomuar në universitetet e Perëndimit;
- Deputetë të Parlamentit shqiptar, disa prej tyre të propozuar si kandidatë të Frontit Demokratik;
- Iniciatorë për të ndalur revanshin komunist dhe për të penguar miratimin e projektkushtetutës së parë komuniste;
- Kundërshtarë të shtetit diktatorial të Enver Hoxhës.
Sigurimi i Shtetit e dinte mirë këtë dhe veproi shpejt, pa humbur kohë, duke i shtypur zërat e tyre të lirë me egërsi.
Ata ishin 40 mendje të hapura, emra të spikatur, zëra të kthjellët në mes të rrëmujës së kuqe që po mbulonte Shqipërinë. Pas një muaji gjyq, deri në momentet e fundit, ata mbajtën shpresën se ish-kolegët e tyre parlamentarë do t’u falnin jetën. Por, shpresë e kotë… Ashtu si vetëm komunistët dinë të bëjnë, lutjet e tyre u refuzuan me ashpërsi.
Ekzekutimi…
16 të ekzekutuar me vdekje, në një listë prej 40 të dënuarish! Në orët e para të mëngjesit të 10-12 tetorit 1947, skuadra e pushkatimit i çoi në zonën e Malit me Gropa, ku u ekzekutuan.
Kujtesë për mos harresë, a mund të mendosh dhe veprosh i lirë në demokraci? Jo në Shqipëri! As dje, as sot, dhe e nesërmja duket në muzg!
and then