Dyshohet se deputetët hodhën benzinë në Kuvend/ Ministri i Brendshëm, Ervin Hoxha: Një pjesë e juaja nuk po i përmbahet rregullave, do merren të gjitha provat dhe do bëjmë kallëzim

Ministri i Brendshëm Ervin Hoxha teksa ka mbajtur fjalën në Kuvend mes tensioneve, ka paralajmëruar padi ndaj deputetëve të opozitës, pas dyshimeve se në Kuvend u hodh lëndë djegëse benzinë.

Hoxha tha se një pjesë e deputetëve nuk po i përmbahet rregullave dhe paralajmëroi se do të merren të gjitha provat, më tej do të bëhet dhe kallëzim penal.

Ministri i Brendshëm, Ervin Hoxha:

Këtu nuk bëhet fjala për deputetë e përjashtuar. Garda po kryen detyrën.

Një pjesë e juaja e cila nuk po i përmbahet rregullave dhe regjimit të kontrollit të brendshëm, bëhet fjalë për zjarrëvnie të qëllimshme.

Të gjitha provat do të merren, do të bëjmë kallëzim penal”.

()