Përplasja me armë në Antwerp, zbardhen emrat e shqiptarëve të përfshirë/ Detajet

Pesë burra të arrestuar për tentativë vrasje pas të shtënave pranë Meir, u gjet edhe kokainë

Të pesë personat e përfshirë në të shtënat e së mërkurës pranë Meir janë arrestuar nga gjyqtari hetues. Ata akuzohen për tentativë vrasje. Në përplasjen me armë u përfshinë një grup i Brukselit si dhe dy shqiptarë, ndërsa të gjithë personat ndodhen në burg.

Zyra e prokurorit publik të Antwerp-it njoftoi zyrtarisht të premten pasdite se të pesë të dyshuarit tani janë vendosur nën urdhër arresti. Tre të plagosurit e përfshirë të cilët u shtruan në spitalin Cadix të mërkurën me plagë me armë zjarri u arrestuan nga gjyqtari hetues.

Të tre janë 38-vjeçari Salvatore P. nga Ganshoren dhe 23-vjeçari Sergeyevich AD nga Boom EG dhe 32-vjeçari shqiptar Eno G. pa adresë në Belgjikë.

Dy burra, që nuk ishin plagosur nga të shtënat me armë në banesën në rrugën Jesus, u arrestuan të enjten. Bëhet fjalë për 36-vjeçarin shqiptar Findi X., pa adresë në Belgjikë dhe 29-vjeçarin Ardak G. nga Brukseli.

Se cili ishte saktësisht qëllimi i takimit mes dy shqiptarëve dhe grupit të të dyshuarve të Brukselit, mbetet ende e paqartë. Gjatë hetimeve të mëtejshme, u gjet një sasi e kufizuar kokaine, afërsisht 1 kg, por nuk është e sigurt nëse kjo ishte arsyeja pse dy grupet kishin rënë dakord për tu takuar.

Disa të dyshuar kanë të kaluar kriminale në Belgjikë. Të pesë do të dalin para dhomës së këshillit të hënën.