Aksident në Sarandë, makina përplas kalimtarin, transportohet në gjendje të rëndë te Trauma

SARANDË

Një 64-vjeçar ka mbetur i plagosur pasi është përplasur nga një automjet në Sarandë.

Sipas burimeve zyrtare, rreth orës 10:20, në lagjen nr. 1, shtetasja V. Sh., 52 vjeçe, duke drejtuar automjetin tip “Citroen”, ka aksidentuar shtetasin N. B., 64 vjeç, këmbësor, i cili po transportohet në Spitalin e Traumës, për ndihmë mjekësore.

Drejtuesja e automjetit është shoqëruar në Komisariat, për veprime të mëtejshme.

Grupi hetimor ndodhet në vendngjarje dhe po kryen veprimet për zbardhjen e rrethanave të aksidentit.