Flutura Basha humbi jetën pasditen e djeshme, teksa me bashkëshortin e saj, udhëtonte me një motor, pranë vendit ku ndodhi atentati mafioz që i mori jetën Arlind Bushatit dhe Hamza Licit.
Flutura Basha, 56 vjeç, humbi jetën në vendngjarje, ndërsa bashkëshorti i saj po lufton për jetën në spital.
Çifti u godit nga automjeti që drejtohej nga Hamza Lici, i cili bashkë me Arlind Bushatin, ishin objekt i atentatit mafioz. Breshëria e plumbave i ka marrë jetën Licit në vendngjarje, por duke qenë në drejtimin e automjetit ai ka humbur kontrollin mbi mjetin dhe ka përplasur çiftin e bashkëshortëve.
Si pasojë e goditjes, Flutura Basha humbi jetën në vend, ndërsa bashkëshorti i saj në gjendje të rëndë shëndetësore u transportua në spital.
Çifti i bashkëshortëve po shkonte të kujdesej për një tokë që ishte afër zonës ku ndodhi krimi. Ata u gjendën në kohën e gabuar, në vendin e gabuar. Dy qytetarë shembullorë, siç shkruhej në rrjetet sociale për Flutura dhe Bashkim Bashën, gruaja që u nda nga jeta në mënyrë tragjike, ndërsa bashkëshorti që lufton për jetën, ndoshta pa e ditur që bashkëshortja e tij nuk jeton më.
and then