Milan bën “djallin” në “Bernabeu”, dominon dhe fiton përballë Real Madrid duke i dhënë ngjyra këtij sezoni të çuditshëm me ulje ngritje të forta. Të paktë ishin ata që besonin në një sukses të tillë, por ekipi i Fonseca-s kishte përgatitur këtë super përballje deri në detajin më të vogël, sigurisht kishin edhe episodet në krah, ndërsa individë si Leao apo Mike Magnian zhvilluan një super ndeshje, me portierin francez që u vlerësua nga UEFA si lojtari më i mirë.
Për t’i dhënë besim “djallit”, për të vërtetuar se Reali është një ekip njerëzor, mendoi Thiaw që me kokë, gjatë zhvillimeve të një goditje këndi, dërgoi topin në rrjetë. Reali krijoi iluzionin se do të bënin atë që dinë më mirë, të përmbysin rezultatin, teksa në minutën e 23-të Vinicius fitoi një penallti. Po vetë nga pika e bardhë u tregua perfekt duke barazuar shifrat në 1-1.
Milan nuk u demoralizua, por në minutën e 37-të, Morata ndoqi mirë aksionin, përfitoi nga një top i ngecur në zonë, duke kaluar edhe një herë Milan në avantazh, në shenjë respekti ndaj ish ekipit të tij u tregua i përmbajtshëm gjatë festimit. Historia ishte e njëjtë edhe në pjesën e dytë, me Milan që goditi sërish Realin me një zbritje të shpejtë të Leao-s në krah, portugezi shërbeu në qendër për Reijnders, me “tulipanin” holandez që nuk fali duke dërguar shifrat në 3-1.
Reali reagoi duke gjetur golin e dytë me Rudiger në minutën e 81-të, por gjyqtari i takimit anuloi gjithçka për pozicion jashtë loje duke bërë që Milan të festonte në “Bernabeu” pas suksesit 3-1.
“Milan galaktik”, shkruan La Gazzetta dello Sport në faqen e parë. “Milani i vërtetë”, ishte titulli kryesor i Corriere dello Sport.
Në Spanjë, mediat nuk kursyen aspak Realin duke i bërë jehonë ecurisë negative këtë periudhë. Pas disfatës në “El Clasico” kjo ishte një tjetër goditje e fortë për Realin: “Një tjetër turpërim në Bernabeu”, ishte titulli kryesor i Sport.
()
and then